Athletic Club
Lezaman
Llorentek entrenamendua utzi du Bielsarekin ika-mika izan eta gero
Erredakzioa
Zuri-gorriak partida bat jokatzen ari zirenean, Bielsak gelditzeko eskatu die. Haserre, Llorenterengana hurbildu da, eta, berarekin hitz egin eta gero, aldageletara joateko esan dio.
Fernando Llorentek taldekideek baino lehenago utzi du Lezamako entrenamendua. Zuri-gorriak partida bat jokatzen ari zirenean, Marcelo Bielsak gelditzeko eskatu die. Haserre, Llorenterengana hurbildu da, eta, berarekin hitz egin eta gero, aldageletara joateko esan dio.
Ondorioz, Rincon de Sotoko aurrelariak amaitu baino lehenago utzi behar izan du lan-saioa, baina bere keinuen arabera ez zegoen erabakiarekin ados. Llorente barik, Athleticek entrenatzen jarraitu du.
Haserrealdiak are gehiago okertu du Fernando Llorentek Athleticen duen egoera.
