Athletic Club
Kontratu berritzea
De Marcosek kontratua berritu du Athleticekin denboraldi batez
EITB Media
Oscar De Marcosek 2025eko ekainaren 30era arte luzatu du talde zuri-gorriarekin lotzen duen kontratua. Horrenbestez, Arabako jokalariak beste denboraldi bat emango du Bilboko taldean.
![](http://media.eitb.eus/multimedia/images/2024/05/19/3232552/20240519222447_oscar-de-marcos-athletic_foto610x342.jpg)
![](http://images14.eitb.eus/multimedia/recursos/generales/play_gris_grupohome.png)
Oscar De Marcosek kontratua berritu du Athleticekin 2025eko ekainaren 30era arte. Hala jakinarazi du klubak talde zuri-gorriak Sevillaren aurka garaipena bereganatu (2-0) ostean, EA Sports Ligako 37. jardunaldiko partida amaituta.
De Marcos 2009-2010 denboraldian iritsi zen Athleticera, 20 urterekin, eta 14 urte bete ditu talde zuri-gorrian. Denboraldi honetan Errege Kopa irabazi du, eta bere palmaresean bi Espainiako Superkopa ere baditu.
Guardiakoa (Araba) taldean jarraitu ala ez pentsatzen aritu da, aurreko denboraldian bezala; azkenean, jarraitzea erabaki du. Beraz, kolore zuri-gorriak defendatuko ditu 2024-2025 denboraldian ere. Athleticek lau txapelketa jokatuko ditu datorren sasoian: Liga, Espainiako Superkopa, Europa Liga eta Errege Kopa.