Athletic Club
Sailkatuta
Distirarik gabeko berdinketa Helsinkin (3-3)
Erredakzioa
Oraingoan ere irudi kaskarra eskaini du defentsan Marcelo Bielsaren taldeak eta hasiera batean uste baino gehiago sufritu du partida berdintzeko. Ostiralean, Europa Ligako zozketan izango dira.
Bideoak (1)
Athleticek hiruna egin du Helsinkiren aurka eta, San Mamesen lortutako 6-0eko emaitzari esker, Europa Ligako multzoen faserako sailkatu da. Zozketa ostiral honetan egingo dute, Monacon.
Zuri-gorriak nagusi izan dira lehen zatian, eurentzat izan dira gol aukera garbienak baina ez dira sarea zulatzeko gain izan. 20. minutuan Zeneliren pasea baliatu du Schuller aurrelariak ezkerrarekin errematatu eta markagailua estreinatzeko (1-0).
Defentsan kaskar aritu da oraingoan ere Athletic eta bigarren zatiaren hasieran 2-0ekoa lortu dute etxekoek. Azkenean, markagailuari buelta eman eta berdinketa lortu dute zuri-gorriek, hein handi batean, Ibai Gomezen geldikako jokaldiei esker. San Jose, Toquero eta Igor Martinez izan dira golegileak.
Fitxa teknikoa:
3 - HJK Helsinki: Wallen; Sorsa (Okkonen, 55'), Lahti, Moren (Savage, 76'), Kansikas; Mannstrom, Perovuo, Schuller (Hakanpaa, 65'), Zeneli; Pohjanpalo eta Pelvas.
3 - Athletic Club: Raul; De Marcos (Ramalho, 46'), Ekiza, San Jose, Castillo; Iturraspe (Íñigo Perez, 46'); Susaeta (Igor Martinez, 46'), Galarreta, Muniain, Ibai Gomez; eta Toquero.
Golak:
1-0, 25': Schuller.
2-0, 62': Perovuo.
2-1, 67': San Jose.
3-1, 70': Pohjanpalo.
3-2, 77': Toquero.
3-3, 88: Igor Martinez.
