Athletic Club
F LIGA
Jone Amezaga eta Ane Azkona zalantza dira Realaren aurkako derbirako
EITB MEDIA
Bi jokalariek zelaia utzi behar izan zuten igandean Valencia CF taldearen aurkako neurketan orkatilan min hartuta.
-
Jone Amezaga eta Ane Azkona. Irudia: @AthleticClubFem
Jone Amezaga eta Ane Azkona Athleticeko jokalariak zalantza dira larunbatean Reale Arenan Realaren aurka jokatuko den partidarako. Biek min hartu zuten igandean Lezaman Valencia CFren aurka jokatutako partidan.
Zallakoak, atsedenaldia baino lehenago, kolpea jaso zuen eskuin orkatilan, eta Azkonak bihurritua izan zuen bigarren zatian. Amezaga proba osagarrien zain dago eta Azkona orkatilaren bilakaeraren zain, izan ere, azken honek bihurritu arin–moderatua du mediku-txostenaren arabera.
