Ernesto Valverde, LaLigako abenduko entrenatzaile onena

AGENTZIAK | EITB MEDIA

Publikatuta: 2024/01/02 17:13 (UTC+1) Azken eguneratzea: 2024/01/02 17:13 (UTC+1)

Athleticeko entrenatzailea izan da nagusi bozketan, Michel Sanchez (Girona) eta Carlo Ancelotti (Real Madril) hautagaien aurretik. Bilboko taldeak abenduan jokatutako ligako lau partidetatik hiru irabazi ditu.

Valverderen artxiboko irudia

Whatsapp
Whatsapp
telegram
twitt
Bidali
Esteka kopiatu

Albisteak (4)

Athleticek azken minutuan eskuratu du partida Unai Gomezen burukada batekin (1-0)
Athleticek joko bikaina erakutsiz gainditu du Atletico Madril (2-0)
Athleticek puntu bat eskuratu du Granadan (1-1), Nuevo Los Carmenesen jarraitu duten partidan

Athleticek bolada onari eutsi dio, Rayo Vallecanoren aurka erakustaldia emanda (4-0)

Ernesto Valverde Athleticeko entrenatzailea LaLiga EA Sports txapelketako abenduko entrenatzaile onena izendatu dute, bozketan Miguel Angel Sanchez Muñoz 'Michel' (Girona) eta Carlo Ancelloti (Real Madril) gaindituta.

Athleticek hiru garaipen eskuratu zituen abenduan, hirurak San Mamesen, golik jaso gabe: 4-0 Rayo Vallecanoren aurka, 2-0 Atletico Madrilen kontra eta 1-0 Las Palmasen aurrean. Abenduan etxetik kanpo jokatutako partida bakarra bana berdindu egin zuen talde zuri-gorriak, Granadan.

LaLigak nabarmendu duenez, entrenatzaile gasteiztarrak "aldagela kudeatzeko eta erabakiak hartzeko orduan erakutsitako neurritasunak" Espainiako Ligako sailkapeneko bosgarren postura eraman du talde bizkaitarra; beraz, lehen erdi "ikusgarria" egin du.