Athletic Club
Fitxaketa
Athleticek Marton fitxatu du, 2026ra arte
EITB MEDIA
Aurrelari nafarrak 24 urte ditu, eta ekainean amaitu zio Realarekin zuen kontratua; 2017tik, Gipuzkoako taldearen beheko taldeetan ibili da. 2021-22 denboraldian, Bigarren Mailan aritu zen, Sanserekin, eta 2022-23an hamabi gol sartu ditu, RFEFeko Lehenengo Mailan.
-
Javier Marton, Mikel Gonzalez Athleticeko Futbol zuzendariarekin. Argazkia: Ahletic Club.
Athleticek Javier Marton aurrelaria fitxatu du, 2026ko ekainera arte, asteazkenean Bilboko klubak jakitera eman duenez. Jokalari nafarrak 24 urte ditu, eta ekainean amaitu zio Realarekin zuen kontratua; 2017tik, Gipuzkoako taldearen beheko taldeetan ibili da. 2021-22 denboraldian, Bigarren Mailan aritu zen, Sanserekin, eta 2022-23an hamabi gol sartu ditu, Federazioaren Lehen Mailan, Realaren filialean.
Athletiek zehaztu duenez, Martonek Bilboko klubaren lehen taldearekin egingo du denboraldiaurrea; Ernesto Valverderen gizonak ostegunean hasiko dira entrenatzen.
