Athletic Club
KONTRATU LUZAPENA
Unai Vencedorrek 2027a arte luzatu du kontratua Athleticekin
Agentziak | EITB Media
Rekaldekoa bost urte gehiagoz egongo da Bilboko taldeari lotuta.
-
Unai Vencedor, Aitor Elizegi eta Rafa Alkortarekin. Argazkia: @athleticclub.
Unai Vencedorrek eta Athletic Clubek akordioa lortu dute bi aldeak lotzen zituen kontratua 2027. urteko ekainaren 30era bitarte luzatzeko. Erdilariak aurretik zuen 40 milioi euroko etete-klausula kendu du kontratu berrian, talde zuri-gorriak jakinarazi duenez.
Vencedorrek 33 partida jokatu ditu jada denboraldi honetan, aurrekoan baino bat gehiago. Iazko Superkopako txapeldun izan zen txapelketako bi partidetan hasierako hamaikakoan izan ondoren, Real Madrilen eta Bartzelonaren aurka.
21 urte besterik dituen arren, Bilboko erdilariak 69 partida jokatu ditu dagoeneko zuri-gorien lehen taldean. Gaizka Garitanoren aginduetara egin zuen debuta, 2020ko otsailaren 16an, datorren igandean San Mamesen jokatuko duen Osasunaren aurka.
