Dani Garciak 2024ra arte luzatu du kontratua Athleticekin

AGENTZIAK | EITB MEDIA

Publikatuta: 2022/02/16 13:42 (UTC+1) Azken eguneratzea: 2022/02/18 10:24 (UTC+1)

Zumarragako erdilaria 2018an heldu zen Bilbora Eibarretik, eta, hartara, sei denboraldi beteko ditu zuri-gorriz.

1:38

Whatsapp
Whatsapp
telegram
twitt
Bidali
Esteka kopiatu

Albisteak (3)

Athleticek 3-2 galdu du Mallorcaren aurka eta agur esan dio bolada onari
Real Madril-Reala larunbatean, martxoak 5, jokatuko da, eta Athletic-Levante, astelehenean
Athleticek berdindu egin du Valentziarekin (1-1), eta itzuliko partida irabazi beharko du finalera sailkatzeko

Bideoak (1)

Dani Garcia: ''Lan gogorra eginez kontratu-berritzea lortzea zen nire ideia''

Athletic Clubek eta Dani Garciak akordioa lortu dute bi aldeak lotzen dituen kontratua bi denboraldi gehiagoz luzatzeko, hau da, 2024ko ekainaren 30era arte. Erdilariak asteazken honetan sinatu du akordioa, Bilbon, Ibaigane jauregian, Aitor Elizegi presidentearekin eta Rafa Alkorta kirol zuzendariarekin batera.

Zumarragako jokalaria (31 urte) Marcelino Garcia Toral entrenatzaileak gehien erabili ohi duen jokalarietako bat da; izan ere, denboraldi honetan, 23 partida jokatu ditu Ligan, lau Kopan eta bi Superkopan.

Dani Garciak laugarren urtea du Athleticen, eta 137 neurketa jokatu ditu guztira elastiko zuri-gorriarekin. 2018an iritsi zen Lezamara Eibartik, armaginekin 2. B mailatik Lehen Mailara igotzea lortu eta Gipuzkoako taldea lau denboraldiz maila gorenean finkatu ondoren.