Athletic Club
Europa League
Alex Fergusonek Llorenteren arriskua azpimarratu du
Erredakzioa
Manchester United taldeko teknikariak Athleticek presioan egiten duen lana eta erasorako duen trebetasuna goraipatu ditu prentsaurrekoan.
Manchester United taldeko entrenatzaileak, Alex Fergusonek, Athleticen aurkako norgehiagoka arriskutsua izango dela onartu du, zuri-gorriek "erasoan beldurrik gabe" jokatzen baitute.
"Partida batzuk ikusi eta gero oso ondo presionatzen dutela uste dut. Erasoan jokalariak pilatzeko beldurrik gabe jokatzen dute" adierazi du Alex Fergusonek Old Traffordeko neurketa jokatu aurretik.
Marcelo Bielsaren taldeak dituen indarguneetatik, Fernando Llorenteren lana goraipatu du Manchester Unitedeko prestatzaileak. Aurrelari zuri-gorria "oso arriskutsua" dela onartu du Fergusonek.
"Ez da Espainiako aurrelari gehienen antzekoa, buruarekin errematatzaile bikaina da eta gol marka oso ona du" adierazi du Eskoziako entrenatzaileak Fernando llorenteri buruz.
