Athleticeko bazkideek ez dute ordainduko Mirandesen aurkako neurketan

Josu Urrutia Athleticeko presidenteak iragarri bezala, bazkide zuri-gorriek Errege Kopako finalerdietako itzuliko norgehiagokan ez dute sarrerarik ordainduko. Horrela, Mirandesen kontrako neurketan bazkideek ez dute gehigarririk ordaindu beharko.

Gainera, zuzendaritza zuri-gorriak erabaki duenez, edozein arrazoirengatik partidara joaterik ez duten bazkideek eserlekua beste zale bati lagatzeko aukera izango dute.

Athleticek Mirandara bidaliko duen sarreren kopurua hizpide izan zuen Urrutiak prentsaurreko hartan. "Guk ahal izango ditugunak emango dizkiegu, San Mamesera etorri ohi diren gainerako taldeekin egin bezala, segurtasun irizpideak kontuan hartuz", azaldu zuen presidenteak.