Unai Nuñez zalantza da Kopako finalerako, artritisa baitu eskuin oineko behatz baten

Unai Nuñez Athleticeko jokalariak "artritis traumatikoa du eskuin oineko bosgarren artikulazio metatarsofalangikoan, eta oraingoz ezin du entrenamenduetan normaltasunez parte hartu", jakinarazi du klubak mediku txosten baten bidez.

Lesioaren eboluzioa nolakoa den ikusi beharko den arren, Nuñez zalantza da Realaren aurkako apirilaren 3ko Errege Kopako finalerako. Portugaleteko jokalariaz gain, Peru Nolaskoain ere ez da finalerako prest egongo. Nolaskoain sendatze-prozesuan da oraindik, eta lesioaz gain positiboa eman zuen koronabirusagatik martxoaren 17an.