Athletic Club
Ezohiko Batzarra
Elizegik aurrera atera ditu kontuak, baina bazkideek haren kudeaketa gaitzetsi dute
AGENTZIAK | EITB MEDIA
Konpromisario zuri-gorriek ontzat eman dituzte 2019-2020 ekitaldiko kontuak eta aurtengo denboraldirako aurrekontua. Hala ere, ez daude ados egindako kudeaketarekin.
![Aitor Elizegi Aitor Elizegi](http://media.eitb.eus/multimedia/images/2021/02/21/2731345/20210221200204_aitor-elizegi-ezohiko-batzarra_foto610x342.jpg)
![](http://images14.eitb.eus/multimedia/recursos/generales/play_gris_grupohome.png)
Athletic Clubeko Ezohiko Batzarrak onartu egin ditu Aitor Elizegi buru duen Zuzendaritza Batzordearen kontuak, abenduan ez bezala; alabaina, bazkide zuri-gorriek ez dute ontzat eman zuzendaritzak egindako kudeaketa.
2019-2020 denboraldiko kudeaketa eta kontuak bereizita bozkatzea izan da Elizegiren zuzendaritzak batzarrera eramandako puntu berritzailea.
Horrela, konpromisarioek gaitzetsi egin dute aipatu kudeaketa egindako hiru bozketetatik lehenengoan; izan ere, arlo horrek kontrako 433 boto jaso ditu, aldeko 285 eta eta 26 boto zuri.
BATZARRA I Gai Zerrendaren ¿¿¿¿¿ ¿¿¿¿¿¿¿¿¿ bozketen emaitza ofizialak:
— Athletic Club (@athletic_eus) February 21, 2021
¿ Hala badagokio, Zuzendaritza-Batzordearen kudeaketa onartzea, 2019-20 ekitaldi ekonomikoari dagokiona.#AthleticClub ¿ pic.twitter.com/TJPvEhGzhH
Hala ere, 2019-2020ko kontuak eta 2020-2021eko aurrekontuak (biek batera 42 milioiko diru-galera azaleratzen dute, doikuntza batzuk egin ostean, covid-19aren pandemiaren eraginez) bazkideen oniritzia jaso dute bigarren saiakera honetan, duela ia bi hilabeteko Ohiko Batzarrean ezezko biribila jaso ondoren.
Horrela, 422 bazkide agertu dira aurreko denboraldiko kontuen alde; 303, berriz, aurka azaldu dira, eta 17k zurian bozkatu dute. Kontu horiek 137,4 milioi euroko aurrekontua zeukaten eta 20,7 milioiko diru-galera izan zuten.
BATZARRA I Gai Zerrendaren ¿¿¿¿¿¿¿¿ ¿¿¿¿¿¿¿¿¿ bozketen emaitza ofizialak:
— Athletic Club (@athletic_eus) February 21, 2021
¿ Hala badagokio, 2019-20 ekitaldi ekonomikoaren Urteko Kontuak onartzea.#AthleticClub ¿ pic.twitter.com/lSvcQVZaOt
Azkenik, ekitaldi honetarako aurrekontuari dagokionez (138 milioi euro, 21,3 milioiko galerekin), 395 bazkideren oniritzia eta 327ren gaitzespena jaso ditu. Boto zuriak 19 izan dira kasu honetan.
BATZARRA I Gai Zerrendaren ¿¿¿¿¿¿¿¿¿¿ ¿¿¿¿¿¿¿¿¿ bozketen emaitza ofizialak:
— Athletic Club (@athletic_eus) February 21, 2021
¿ 2020-21 ekitaldi ekonomikorako aurrekontua onartzea, hala badagokio.#AthleticClub ¿ pic.twitter.com/vwG9lrTRc9
771 bazkide konpromisariok egin dute bat osasun-murrizketengatik modu telematikoan egin behar izan den batzarrarekin. Guztira bost ordutik gora egon dira bilduta.