Athletic Club
Lesioa
Guruzetak haustura du eskuin belauneko lotailu gurutzatuan
Erredakzioa
Gorka Guruzeta lesionatu egin zen Bilbao Athletic-Real Sporting B partidan, eta ebakuntza egin beharko diote, hautsita baitu eskuin belaunaren aurrealdeko lotailu gurutzatua.
-
Gorka Guruzeta, Sevillaren aurkako Errege Kopako partidan. Argazkia: EFE
Athleticeko jokalaria den Gorka Guruzetak min hartu zuen Bigarren B Mailako Bilbao Athletic-Real Sporting B partidan. Hasiera baten, eskuin belauneko entorsia zuela pentsatu zuten klubeko osasun-zerbitzuek, baina froga osagarriak egin ostean, eskuin belaunaren aurrealdeko lotailu gurutzatua hautsita duela diagnostikatu diote.
Guruzetari ebakuntza egin beharko diote, eta datozen egunetan zehaztuko du Athleticek ebakuntzaren data zein izango den.
