Athletic Club
9 milioi zale dituen kluba
Celtic Glasgow, San Mamesen jokatuko duen Europako txapelduna
Andoni Beldarrain
Erredakzioa
Talde eskoziarrak Europako Kopa irabazi zuen 1967an finalean Internazionale menderatuta. Titulua lortu zuten jokalariak taldearen egoitzatik 30 miliako erradioan jaiotakoak ziren.
Talde eskoziar hau 1887an sortu zen eta 42 liga garaipen eta 34 Kopa ditu. 1967an Europako Kopa irabazi zuen finalean Internazionale Milano taldeari irabazita. Horrenbestez, Europako Kopa irabazi zuen lehen talde eskoziarra eta britainiarra izan zen.
Europako Kopa hura lortu zuten jokalariak eskoziarrak ziren, Parkhead taldearen egoitzatik 30 miliako erradioan jaiotakoak.
Celtic Eskoziako nazionalisten eta katoliko tradizionalen taldea da. Rangers dute aurkari nagusia, britainiar sentimendua duten eskoziarrena, protestanteena. Celticek bederatzi milioi jarraitzaile ditu mundu osoan.
