Athletic Club
Urtarrilaren 27an
Egunez aldatu dute Athletic - Betis partida
eitb.eus
Urtarrilaren 27an jokatuko da, igandearekin, aurretik ezarrita zegoena baino egun bat geroago.
-
Susaeta eta Ceballos, aurrez aurre joan zen denboraldiko partidan. Argazkia: EFE
Ligak ostiral honetan jakitera eman duenez, 21. jardunaldiari dagokion Athleticen eta Betisen arteko norgehiagoka urtarrilaren 27an, igandearekin, jokatuko da, 18:30ean.
Hasiera batean, larunbaterako ezarri zuten aipatu neurketa Ligako arduradunek, baina Betisek Errege Kopako final-laurdenetako joanekoa izango du jokoan ostegunean; ondorioz, Athletic-Betis lehia egun batez atzeratu dute.
