Jainagak ez du hautagaitza aurkeztuko Athleticeko presidente izateko

Ligak etenaldia du asteburu honetan eta Athleticen, hauteskundeen zain daude. Abenduaren 27an egingo dira presidente eta zuzendaritza-batzorde berriak aukeratzeko hauteskundeak, eta igande honetan klubak hauteskunde prozesuaren irekiera ofizial egitea espero da.

Momentuz, mugimendu gutxi dago hautagaiei dagokienez. Hori bai, aurreratu dezakegu, Jose Antonio Jainaga enpresaria ez dela aurkeztuko. Bere egunean, Jainagak hautagaitza aurkezteko asmoa zuen, baina iritziz aldatu, eta ez aurkeztea erabaki du.