Athletic Club
Giharretako lesioa
Aduriz zalantza da Vila-realen aurka jokatzeko
eitb.eus
Aurrelari donostiarra ez zen izan Athleticek igandean Betisen aurka jokatu zuen partidan.
-
Aritz Aduriz. Artxiboko argazkia: EFE
Aritz Aduriz ez da gainerako taldekideekin entrenatu talde zuri-gorriak astelehen arratsaldean egin duen lan-saioan. Aurrelari gipuzkoarrak gainkarga muskularra izan zuen joan zen astean eskuin izterrean, eta Betisen aurkako partidako deialditik kanpo geratu zen.
Aduriz beste zelai batean egon da lan egiten Xabi Clemente prestatzailearekin batera. Horrenbestez, ez dago batere argi talde zuri-gorriko golegile nagusia jokatzeko moduan izango den Athleticek asteazkenean, San Mamesen, 20:00etan hasita, izango duen norgehiagokan.
Aurrelaria Leganesen aurka lehiatutako Ligako lehen partidan lesionatu zen, eta ordutik aurrera Berizzok ezin izan du erabili.
