Athletic Club
Etorkizuna
Athleticek eta Berizzok negoziazioak berrabiarazi dituzte
eitb.eus
Bizkaiko kluba eta Eduardo Berizzo berriro hizketan hasi dira entrenatzaile argentinarraren fitxaketa ixteko. Bi aldeen helburua da ahalik eta azkarren akordiora iristea.
-
Eduardo Berizzo. Argazkia: EiTB
ETBk jakin duenez, Athleticek berrabiarazi egin ditu negoziazioak Eduardo 'Toto' Berizzorekin. Jose Angel Ziganda entrenatzaileak ez du lehen taldea entrenatzen jarraituko eta datorren denboraldirako entrenatzailea ahalik azkarren fitxatu nahi du Athleticek.
Bi aldeek duela aste batzuk izan zituzten lehen elkarrizketak eta sentsazioak onak izan ziren. Hala ere, Zigandaren lana errespetatzearren, negozioazioak aurrerago berrabiaraztea adostu zuten, eta aste honetan hasi dira hizketan berriro.
Athleticen zein Berizzoren helburua da, ahalaik eta azkarren akordiora iristea. Berizzok Nizaren (Frantzia) eta Ingalaterrako Premier Ligako talde baten eskaintzak izan ditu, baina argentinarrak Espainiako Ligan entrenatzen jarraitzeari ematen dio lehentasuna, bere familia Espainian bizi baita.
