Spartaken partidaren aurreko liskarretan atxilotutako inor ez da Athleticeko bazkide

Athleticek ohar baten bidez jakitera eman duenez, ez da talde zuri-gorriko bazkiderik Spartak Moskuren aurkako partidaren egunean (otsailaren 22an) gertatutako istiluetan atxilotutakoen artean.

Ohar horretan, Athleticek "futbolaren inguruko indarkeria errotik kentzeko duen konpromisoa" berretsi du.

Aipatutako indarkeria onartezintzat jo du, eta bere aburuz, "partaide diren eragile guztiei dagokie hura eragozteko beharrezko neurriak hartzea."

Hartara, asmo hori gauzatzeko "instituzio guztiekin lanean" jarraituko duela gaineratu du, xede horrekin praktikan jarritako "ekintza plan eta ekimen guztietan laguntza eskainiz".