Athletic Club
2021era arte
Iago Herrerin atezainak kontratua berritu du
Erredakzioa
ETBk aurreratu zuen bezala, Athleticek eta Herrerinek akordioa sinatu dute eta jokalariak talde zuri-gorrian segituko du hiru urte gehiago. Etete klausula 50 milioi eurokoa izango da.
-
Iago Herrerin eta Josu Urrutia. Argazkia: Athletic Club
ETBk bart jakin ahal izan zuenez, eta Athletic Clubek gaur ofizial egin duenaren arabera, Iago Herrerin atezainak kontratua berritu du Athleticekin 2021. urtera arte. Hau da, bi urtez luzatu du kontratua, 2019ko ekainaren 30ean bukatzen baitzitzaion.
Kepa Arrizabalagaren etorkizuna oraindik argitu gabe dagoenean, Athleticek bere atezainetako bati kontratua berritzea erabaki du. Herrerin titularra izan da UEFA Europa Ligan, eta partida onak jokatu ditu. Kopan ez zuen jokatu Formenteraren aurkako joaneko partida, baina bai itzulikoa. Athletic, baina, lehiaketa horretatik kanpo geratu zen. Kepa lesionatu egin zen Deportivoren aurka jokatutako neurketaren ostean, eta ordutik aurrera Iago Herrerin izan da atezain titularra. Herrerinek jokatu du Realaren aurka (0-0), Betisen kontra Villamarinen (0-2) eta Alavesen aurkako (2-0) San Mameseko derbia, eta hiru partida horietan ez du golik jaso.
Keparen etorkizuna, argitu gabe
Kepa Arrizabalaga Athleticeko atezainaren etorkizuna k argitu gabe jarraitzen du. Real Madrilekin azterketa medikoa pasatu duela zabaldu zen, eta hedabide batzuek esan dute Kepak uste baino lesio larriagoa duela eta ebakuntza-gelatik pasatu beharko duela Real Madrileko medikuen ustez. Athleticek emandako azken berrien arabera, Keparen lesioak ez du txarrera egin.
Kontuak kontu, Kepak Athleticen jarraitzen du, kontratua du denboraldi bukaerara arte eta neguko merkatua urtarrilaren 31n itxiko da.
t="utf-8">.@iagoherrerin13 k kontratua berritu du eta horren arabera jokalariak gurean segituko du 2021eko ekainaren 30era arte. #athletic
— Athletic Club (@athletic_eus) 10 de enero de 2018
Deuseztatze klausula 50 milioi eurokoa izango da. #athletic pic.twitter.com/0An7R4FMeM
