Elustondok, Bovedak eta Erasok debuta egingo dute Sondikan

Athleticek denboraldi-aurreko lehen partida jokatuko du asteazken honetan, 19:00etan, Txorierriko selekzioaren aurka, Basozabalen, Sondikako futbol zelaian. Sarrerak 10 euroan jarriko dituzte salgai, eta umeak dohainik sar daitezke.

Partidan biltzen den diruaren erdia Sondika eta Loiuko elikagai-bankuetarako eta Friedreich ataxia izeneko gaixotasuna dutenei laguntzeko izango da.

Jokalari hauek sartu ditu Valverdek deialdian: Iraizoz, De Marcos, Balenziaga, Gurpegi, Saborit, Eraso, Unai Lopez, Iturraspe, Aduriz, Williams eta Ibai. Beste hauek ere deitu ditu: Herrerin, Boveda, Aurtenetxe, Etxeita, Moran, Elustondo, Beñat, Aketxe, Sola, Susaeta eta Viguera.