Athletic Club
Ligan
Athleticek 288 minutu daramatza golik jaso gabe
Erredakzioa
Ligako azken hiru partidetan Almeria, Sevilla eta Valentzia taldeak ez dira Gorka Iraizoz gainditzeko gai izan.
-
Athletic, Lezamako entrenamendu batean. Argazkia: EFE
Athleticek 288 minutu daramatza, Ligan, golik jaso gabe. Azken hiru partidetan Almeria, Sevilla eta Valentzia taldeak ez dira Gorka Iraizoz gainditzeko gai izan. 2011. urtetik, markarik onena da zuri-gorrientzat.
2010-2011 denboraldian, Athleticen entrenatzailea Joaquin Caparros zenean, 296 minutu eman zituen Athleticek golik jaso gabe (Ivan Boladok Racingen gola egin zuen 19. jardunaldian eta hurrengoa Mallorcako Weborena izan zen, 23.ean).
Aurten Celtako Nolitok egin dio azken gola Ernesto Valverderen taldeari, 8. jardunaldiko partidan (72. minutuan). Athleticek Espanyol hartuko du azaroaren 21ean, eta partida horretan bolada onari jarraipena ematea izango du helburu.
