Athletic Club
Txapeldunen Liga
Lopetegi: ‘Athletic orain arte eduki dugun aurkaririk zailena da’
ERREDAKZIOA
Portoko entrenatzailearentzat ez dago lasaitzeko arrazoirik, nahiz eta Athletic sailkapeneko azken postuetan egon, iaz “pila bat gauza egin zituelako”.
Julen Lopetegik, Oportoko entrenatzaileak bere taldearen hurrengo aurkaria izango den Athleticen inguruko iritzia eman du. Bere hitzetan, “aurkaririk zailena da, gehien estutu ahal gaituena”.
“Athletic iazko Espainiar Ligako talderik onenetako bat da eta aurten ere horrela izango denaren zalantzarik ez dut”, adierazi du entrenatzaile euskaldunak partida aurreko prentsaurrekoan.
Lopetegirentzat ez da erreferentzia, aurton Athletic sailkapeneko beheko postuetan egotea, iaz “pila bat gauza” lortu baitzituen. Gainera aurton taldekako fasean Napoles taldea “bikain” kanporatu zuela adierazi du. Eta, aurreko larunbatean Celtaren aurkako partida irabaztea merezi izan zuela ere.
Galiziarren aurkako partida horretan, etsita dagoen Athleticik ikusi ez zuela dio. “Ez dut uste depresio batean erori denik”, azaldu du Ernesto Valverderen taldearen inguruan azkenaldian esan diren gauza guzti horien inguruan.
