Athletic Club
Rayo, hurrengo aurkaria
Porrot bakarra Vallecasen jokatutako azken hamar partidetan
Erredakzioa
Aurreko denboraldiko neurketan, 0-3 nagusitu zen Athletic, San Joseren, De Marcosen eta Herreraren golekin, eta egun horretan ziurtatu zuen taldeak Txapeldunen Ligarako txartela.
-
Athletic, artxiboko irudia. Argazkia: EFE
Athleticek Rayo Vallecanori egingo dio bisita asteazken honetan, BBVA Ligako 5. jardunaldiko partidan. Vallecasen emaitza onak lortu ohi ditu talde zuri-gorriak eta bertan jokatutako azken hamar partidetan porrot bakarra baino ez du jaso (bost garaipen eta lau berdinketa).
2002. urtean galdu zuten bilbotarrek, azkenekoz, futbol-zelai madrildarrean (4-2). Peragon, Bolic, Michel eta Corino jokalariek sartu zituzten etxekoen golak, eta Athleticen Urrutia gaur egungo presidentea eta Ezquerro izan ziren golegileak.
Aurreko denboraldiko neurketan, 0-3 nagusitu zen Athletic San Joseren, De Marcosen eta Herreraren golekin, eta egun horretan ziurtatu zuen taldeak Txapeldunen Ligarako txartela. Garrantzi handiko garaipena izan zen.
