Athletic Club
Babeslea
Athleticek bularrean eramango du BBK Txapeldunen Ligan
Erredakzioa
Josu Urrutiak Kutxabankekin eta Petronorrekin hurrengo denboraldietarako lortutako akordio berria aurkeztu du.
-
Josu Urrutia / EFE.
Athleticek gaur aurkeztu du Petronorrekin eta BBKrekin (Kutxabank) lortutako akordio berria, hurrengo denboraldietarako. Orain, Petronorreko irudia agertzen da Athleticen elastikoetan, eta 2015-16 denboralditik aurrera BBK-k beteko du leku hori. Aurkezpena Josu Urrutia presidenteak, Andreu Puñet Petronorreko kontseilari delegatuak eta Mario Fernandez Kutxabankeko presidenteak egin dute, Ibaiganen.
Hurrengo denboraldian, BBK-k beteko du Petronorren lekua Athleticeko elastikoetan, bularrean, Europako partidetan, Txapeldunen Ligan edo Europa Ligan. Liga eta Kopan, Petronor izango da babesle nagusia, eta gainera BBK-ko logoa agertuko da ezker mahukan.
2015-16 denboralditik aurrera, 2018ra arte, Kutxabank izango da Athleticen babesle nagusia. Josu Urrutia "oso pozik" agertu da akordio berriarekin.
