Ander Iturraspe ez da Getaferekin fidatzen

Datuak Athleticen alde daude Getaferen kontrako neurketan. Madrilgo taldeak hamahiru partida eman ditu irabazi gabe, eta bi puntura baino ez ditu jaitsiera postuak, baina Ander Iturraspek "alerta guztiak piztuta" ditu.

"Garai hauetan ez naiz inorengan fio. Oker geundeke Txapeldunen Ligan sartzea erraza izango dela usteko bagenu. Denboraldi bukaerara arte sufrituko dugu", esan du zurigorriak. Iturraspek Getaferen kalitatea azpimarratu du. Hori kontuan izanda, taldearen egoera txarrak "harritzen" du. Iturrasperen arabera, gainera, Pedro Leon, estrategia jokaldietan martxan jartzerako orduan, "Ligako onenen artean" dago.

Zuri-gorriak Getaferen bolada txarra luzatzea espero du, baina "noizbait irabazi beharko du". Athletic "oso ondo" dago maila fisikoan eta konfiantzan. Valentzian eta Vila-realen lortutako bi puntuak "onak egin nahi ditu larunbatean".

Ander Iturraspek konfiantza du Toqueron "eskarmentuan" zein Guillermoren "potentzialean". Lasai dago, beraz, Aritz Aduriz zigortuta egon arren.