Iraola, Athleticekin partida gehien jokatu dituen seigarren jokalaria

Andoni Iraolak 445. partida ofiziala jokatuko du Athleticekin astelehen honetan. Vila-real izango du aurkari talde bizkaitarrak, eta Iraolak Aitor Larrazabalek Athleticekin jokatu dituen partida kopurua berdinduko du.

Iraola Lezamako harrobian hazitako jokalaria da. Jubenil mailan iritsi zen Lezamara, eta 2003ko abuztuaren 30ean egin zuen debuta lehen taldearekin. Ernesto Valverde zen Athleticeko entrenatzailea, eta Bartzelonaren aurkako partidan egin zuen debuta.

Athleticekin partida ofizial gehien jokatu dituen seigarren jokalaria da Iraola. Larrazabalek jokatutako norgehiagoken kopurua berdindu du, 445 partida jokatu ostean. Athleticekin 358 norgehiagoka jokatu ditu Ligan, eta 41 Europako txapelketetan. Europa mailan jokatutako partiden kopuruan Iribarrek bakarrik gainditzen du Usurbileko jokalaria, 55 partida jokatu baitzituen talde zuri-gorriko atezain mitikoak.

Athleticekin partida ofizial gehien jokatu dituzten jokalarien sailkapena:

.1. Jose Angel Iribar            614

.2. Txetxu Rojo                  541

.3. Joseba Etxeberria            514

.4. Agustin 'Piru' Gainza        493

.5. Jose Maria Orue              480

.6. Aitor Larrazabal             445

.7. ANDONI IRAOLA                444

.8. Nicanor Sagarduy 'Canito'    435

.9. Julen Guerrero                  430

10. Estanis Argote                 427