Pepe Mel: 'Athletic hau ezberdina da, estilo ezberdina du'

Athleticek Betis hartuko du San Mames futbol-zelaian, iluntzeko 20:00etan.

Sevillako taldea aurkari arriskutsua izan da Bizkaiko taldearentzat, San Mamesen batez ere, azkenengo denboraldietan. Zuri-gorriek azkenengo hamabost neurketetatik lau soilik irabazi dituzte Betisen kontra etxean (sei berdinketa eta bost porrot).

Pepe Melentzat Athleticek estiloa eta jokoa aldatu ditu, 'talde ezberdina da aurten'. Gainera, denboraldi ona egingo dutela uste du, 'oso talde ona da, ez zaio ezer falta eta Europan jokatzeko hautagaia da urte honetan'.