Athletic Club
Denboraldiaurrea Austrian
Muniainek lesioa du eskuineko orkatilan
Erredakzioa
Osasun zerbitzuak nafarraren egoeraren eboluzioaren zain daude. Ostiral goizeko entrenamenduan, dena den, nafarra taldekideekin batera aritu da ia ordubetez.
-
Iker Muniainek min hartuta utzi zuen ostegun arratsaldeko entrenamendua. Efe.
Iker Muniainek ostegun arratsaldeko entrenamendu saioa utzi zuen "eskuin orkatila bihurtuta", Athleticek Twitterren iragarritakoaren arabera. Zuri gorriak Austriako Leogang herrian dira, denboraldiaurreko egonaldia egiten.
Osasun zerbitzuak nafarraren egoeraren eboluzioaren zain daude. Dena den, badirudi nafarra hobera egiten ari dela eta gaur goizean taldekideekin batera aritu da ia ordubetez.
Muniainekin batera, De Marcos eta Gorka Iraizoz ere min hartuta daude. Atezainak ezin izan du azken egunetan jokatutako lagunarteko partida batean ere parte hartu.
