Athletic Club
Agurra
Ehun segundoko txalo zaparrada San Mamesentzat
Erredakzioa
Zaleek 100 segundoko txalo zaparradaz agurtu dute San Mames futbol-zelaia, urte bakoitzagatik segundo bat.
San Mamesera hurbildutako 40.000 zaleek ehun segundoko txalo zaparradarekin agurtu zuten atzo Katedrala. Levanteren aurka bere azken partida ofiziala jokatu zuen Athleticek San Mamesen. Zuri-gorriek porrota jaso zuten arren, agurra hunkigarria izan zen.
Epaileak partidaren amaiera adierazi eta berehala, Athleticeko kategoria guztietako jokalariak berdegunera atera ziren. Harrobiko jokalari gazteena lagun izan zutela, Gurpegui eta Iborra kapitainek azken partidan erabilitako baloia eta lore sorta bat zelaiaren erdian jarri zuten. Orduan hasi ziren txaloak. 100 segundo, segundo bat zelaiak betetako urte bakoitzeko.
