Alaves
Osasun-agiria
Siverak ezker eskuko atzamar bat hautsi du
Agentziak | EITB Media
Alavesek Valentziaren aurka Mestallan jokatu duen partidan lesionatu da atezain babazorroa, Hugo Durok eskuan ostikoa emanda.
-
Antonio Sivera, Valentziaren aurkako partidan. Argazkia: @Alaves
Alavesek jakinarazi du Antonio Siverak "ezker eskuko bigarren metakarpoa hautsita" daukala.
Babazorroek Valentziaren kontra Mestallan jokatu duten partidan lesionatu da atezaina. Hugo Durok ostikada eman dio eskuan, baloia errematatzerakoan.
Neurketa amaitutakoan, Valentziako ospitale batera eraman dute, eta klubak zehaztu du bihar egingo dizkiotela proba gehiago.
Sivera sendatu bitartean, Jesus Owono izango da Alaveseko atezain titularra hurrengo norgehiagoketan.
