Alavesek Tomas Conechny fitxatu du, 2028ra arte

Alavesek akordioa adostu du Godoy Cruzekin Tomas Conechny futbolari argentinarrak Gasteizko taldean jokatzeko, eta 2028ko ekainera arte sinatu du. 26 urteko ezker muturrak Alavesen jokatuko du, azken bi denboraldietan joko ona erakutsi ostean.

2023 denboraldiaren hasieran iritsi zen Godoy Cruzera, Almagrotik, Uruguaiko Deportivo Maldonadon eta AEBko MLS Ligan hiru urtez aritu ondoren, Portland Timbers taldean. Denboraldi eta erdian, Godoy Cruzen elastikoarekin 14 gol sartu eta 10 asistentzia eman ditu 61 partida ofizialetan.

Alaveseko jokalari berria uztailaren 8an hasiko da Arabako taldearekin entrenatzen.