Alaves
Santander Liga
Alavesek Levanteren aurka galdu du eta jaitsiera sinatu du (3-1)
I. G. | EITB Media
Gasteizko taldeak puntuatzea behar zuen mailari eusteko eta, gola sartzen lehenak izan diren arren, Levantek buelta eman dio markagailuari eta Alavesek Bigarren Mailan jokatuko du datorren denboraldian.
Alavesek 2-1 galdu du Levanteren etxean eta mailari eusteko aukerarik gabe geratu da. Beraz, hurrengo denboraldian Bigarren Mailan jokatuko du, markagailuan aurrea hartu duen lehen zatiaren amaieran, baina bigarrenean hondoratu egin da.
Joseluren golak amets eginarazi dio euskal taldeari, baina Duartek bigarren zatiaren hasieran lortutako berdinketak partidaren zeinua aldatu du.
Levante hobea izan da berdinketaren ostean, eta kontraerasorako tarteak aurkitu ditu bere zaleei garaipena eskaintzeko, aurkaria Bigarren Mailara jaistea eraginez.
Partidak ez du intentsitaterik izan hasierako fasean. Etxekoak atzetik baloia kontrolatuta atera dira, baina erdiguneko marratik harago igaro gabe.
Alavesek, bere aldetik, ez dio erritmo gogorrik ezarri jokoari, baina goian presioa egin du, eta baloia atzealdera iristen zenean, urrundu egiten zuten.
Ez da egon alde handirik bi taldeen jokoaren artean, ezta arrisku ekintzarik ere, harik eta Joseluk Levanteren helmuga gainditu duen arte.
Bigarren zatian, Moralesek jaurtitako korner baten irteeran Duartek markagailua berdindu du bigarren zatiaren hasieran.
Alavesek ez du erreakzionatu eta Levanteren konfiantzak gora egin du. Kontraeraso baten ondorioz, 2-1ekoa iritsi da.
Azkenean, Alavesek gola bilatu du baloi luzeekin, baina ez du arriskurik sortu eta Levanteri kontraerasoan sortzeko aukera eman dio, markagailua handitzeko hainbat aukerarekin, Moralesek 3-1ekoa egin duen arte.
Fitxa teknikoa
3 - Levante: Primo, Son, Vezo, Duarte, Saracchi (Coke, 76. min), Cantero (Pepelu, 65. min), Malsa (Dani Gómez, 65. min), Campaña, Bardhi (Miramón, 79. min), Morales eta Roger (Soldado, 76. min)
1 - Alaves: Pacheco, Ximo Navarro, Laguardia (Tenaglia, 81. min), Lejeune, Rubén Duarte (Tenas, 81. min), Pere Pons (Manu Vallejo, 70. min), Escalante, Miguel (Manu García, 57. min), Jason (Edagr, 57. min), Luis Rioja eta Joselu.
Golak: 0-1, 37. min: Joselu. 1-1, m.53: Duarte. 2-1, m.75: Roger. 3-1, 95. min: Morales.
Epailea: Cuadra Fernández. Txartel horiak Levanten: Campaña (17. min), Morales (29. min), Saracchi (36. min), Malsa (58. min) eta Soldado (86. min). Txartel horiak Alavesen: Pere Pons (38. min), Miguel (54. min), Edgar (71. min), Tenas (89. min) eta Lejeune (94. min).
