Cordobak belauneko lesioa du eta artroskopia egingo diote

Iñigo Cordoba Alaveseko jokalariak lesioa du eskuin belaunean eta operazio-gelatik pasako da. Jokalari bilbotarra Athleticek utzita ari da jokatzen Gasteizko taldean.

Ostegunean egingo diote belauneko lesioa sendatzeko artroskopia eta ospitaleko alta jaso ondoren hasiko da errehabilitzaioarekin, Alavesek astearte honetan jakinarazi duenez. Klubak ez du zehaztu sendatze-epea.

"Denbora darama Iñigo Cordobak belauneko arazoekin eta horregatik ezin izan du bere maila onena eman. Duela aste batzuetatik infiltratu egin behar izan da entrenatzen eta jarraitzeko", gaineratu du Alavesek mediku-txostenean.