Alaves
2001eko finalekoa
Alavesek berriz fabrikatuko du UEFAko finalean erabili zuen elastikoa
Agentziak | Erredakzioa
Maiatzaren 16an 19 urte bete ziren Alavesek Liverpoolen aurka 2001ean jokatu zuen finaletik. Ekimen honekin, klubak 99 urtetan zehar jokatu duen Europako final bakarra gogora ekarriko du.
-
2001eko UEFAko finalean Alavesen hasierako hamaikakoa osatu zuetn jokalariak. Argazkia: @Alaves
Alavesek igande honetan jakinarazi duenez, berriz fabrikatuko du 2001ean Dortmunden (Alemania) Liverpoolen aurka jokatu zuen UEFAko finalean erabili zuen elastikoa.
Maiatzaren 16an final historiko horren 19. urteurrena bete zen, horixe izan zelarik klubak dituen 99 urteetan jokatu duen final bakarra Europako txapelketei dagokienez. Final hura jokatzeko ekipazio esklusiboa erabili zuten Alaveseko jokalariek.
Berriz fabrikatuko den elastikoak denboraldi honetako abonatuen izenak eramango ditu, eta edizio mugatua aterako du. Kluba, mendeurrena betetzeko atarian dago, eta mugimendu komertzial hau egitea erabaki du.
Datozen egunetan aurkeztuko du elastikoa Alavesek, eta urdin kolorekoa izango da, paparrean urre koloreko marra bat duelarik.
