Alavesek Mendizorrotzan duen sendotasuna proban jarriko du Celtak

Bolada onean den Vigoko Celtak proban jarriko du Alavesen sendotasuna etxean, Santander Ligako 22. jardunaldiko partidan.

Arabarrek kanpoan baino erosoago jokatzen dute Mendizorrotzan, eta arazoaren 25etimk ez dute bertan partidarik galdu. Ordutik hona sei garaipen eta berdinketa bat lortu dituzte Gasteizen. Horri esker, Kopako finalerdietaraino iritsi dira, eta Ligan, momentuz, jaitsiera postuetatik kanpo daude.

Abelardok ezin izango du John Guidetti zelairatu, jarri talde galiziarrak 'beldurraren klausula' sartu zuelako jokalaria arabarrei utzi zienean.

Wakasok eta Ruben Duartek ere ezin izango dute jokatu, txartel kopuruen ondorioz zigortuta daudelako.

Manu Garcia kapitaina, berriz, jokatzeko moduan da, izandako lesioa sendatu ostean. Rodrigo Ely eta Tomas Pina ere erabilgarri ditu Abelardok, aurreko jardunaldiko zigorra beteta.

Celtari dagokionez, talde galiziarra sendo da Europako postuetan sartzeko bidean. Defentsa hobekuntza nabarmena izan dute azken asteetan, eta Iago Aspas eta Maxi Gomez jokalariak sasoi betean ditu Juan Cralos Unzue entrenatzaileak.

AlavEs: Pacheco; Martín, Laguardia, Ely, Alexis; Ibai Gómez, Pina, Manu García, Pedraza; Sobrino eta Munir.

Celta: Rubén Blanco; Jonny, Sergi Gómez, Roncaglia, Mazan; Wass, Lobotka, Radoja, Pione Sisto; Iago Aspas eta Maxi Gómez.

Epailea: Juan Martínez Munuera (Valentziako batzordekoa).

Estadioa: Mendizorrotza.

Ordua: 18.30ean.