Alaves
Kopako finala, maiatzaren 27an
Horrelakoa da Vicente Calderon futbol-zelaia
eitb.eus
Atleticoren futbol-zelaiak 54.851 zalerentzako lekua dauka. Alavesek eta Barçak bertan neurtuko dituzte indarrak maiatzaren 27an.
-
Vicente Calderonen artxiboko irudia. Argazkia: EFE
Alavesek eta Bartzelonak Vicente Calderon zelaian jokatuko dute maiatzaren 27an Errege Kopako finala. Manzanares ibaiaren ertzean dago, eta UEFAk 4. mailako zelaitzat jo zuen 2003an Atletico Madrilen fubol-zelaia.
Calderonek 54.851 zalerentzako lekua du, berdeguneak 105 x 70 metro ditu, eta guztira 50 komun daude bertan: emakumeentzako 20, gizonentzako 26 eta elbarrientzat bereziki prestatutako 4.
Nola heldu?
Autobusez: 17, 18, 23, 34, 35, 36, 50, 62, 116, 118 eta 119 lineak.
Metroz: 5. linea (Piramides eta Marques de Vadillo geltokiak).
Trenez: Piramides geltokiko C-7 eta C-10.
