Beste kirolak
Eskubaloia
Bera Berak EHF Europa Ligako final-laurdenetarako txartela ziurtatuta jokatuko du Bensheimen aurka
EITB MEDIA
Paris 92 azken sailkatuak garaipena lortu ostean, Donostiako taldea hurrengo kanporaketan dago jada. Partida zuzenean ikusi ahal izango da eitb.eus-en eta ETB4n.
-
Bera Berako jokalariak. Argazkia: EITB Media.
Super Amara Bera Bera EHF Europa Ligako final-laurdenetarako sailkatu da larunbat honetan. Paris 92k Fredrikstaden aurka lortutako garaipenak (28-29) hurrengo faserako txartela eman dio Gipuzkoako taldeari, igande honetan HSG Bensheim/Auerbachen aurka jokatuko duen multzoen faseko azken partidaren faltan.
Partida zuzenean ikusi ahal izango da eitb.eus-en eta ETB4n.
Donostiako taldeak etxeko lanak egin ditu multzo zail batean, Paris 92 gainditu ondoren, eta igande honetan gauza bera egiten saiatuko da jada lehen postuan sailkatuta dagoen Alemaniako taldearen aurka. Alemaniako partida 34-32 amaitu zen, Gipuzkoako taldearen porrotarekin.
Bera Berak gutxienez puntu bat behar zuen sailkatzeko, baina, Paris 92 azken sailkatuak garaipena lortu ostean, Donostiako taldea hurrengo kanporaketan dago jada.
