Beste kirolak
Alpinismoa
Alex Txikonek etxera itzultzea erabaki eta ez du Annapurna neguan igotzeko saiakera egingo
EITB Media
Katmandun, peritonitisak jota, ebakuntza egin behar izan zioten 2024 amaieran. Ebakuntzaren ostean, bilakaera fisikoa nolakoa izango zen jakin arte itxaron du, baina, azkenean, bertan behera utzi du Anapurna neguan igotzeko erronka.
-
Alex Txikon. Argazkia: EITB Media
Alex Txikon euskal alpinistak etxera itzultzea erabaki du eta ez dio aurre egingo Annapurna neguan igotzeari. Lemoakoa (Bizkaia) ostiral honetan, urtarrilaren 10ean, helduko da Bilboko Aireportura.
2024. urtearen amaieran ebakuntza egin behar izan zioten Katmandun (Nepal), peritonitisak jota zegoelako. Urtarrilaren 9an argitaratutako komunikatuak dioenez, Txikonek erabaki du bertan behera uztea Annapurna neguan igotzeko saiakera.
Txikonena historian Annapurna neguan igotzeko bigarren saiakera zen, eta azken berrogei urteetan egiten zen lehena. Lemoakoa urtarrilaren 10eko 11:00etan iritsiko da Bilboko Aireportura.
