Beste kirolak
Fitxaketa
Bera Berak Micaela Rodrigues fitxatu du, 2025-26 denboraldiaren amaierara arte
EITB MEDIA
Eskuin hegaleko jokatzen du, Sao Pauloko Pinheiros taldetik iritsi da Bera Berara, eta internazionala da Brasilgo selekzioarekin. Rodrigues ostiralean helduko da Donostiara, eta asteartean hasiko da entrenatzen.
-
Micaela Rodrigues Brasilgo selezioan aritutakoa da. Argazkia: Bera Bera.
Super Amara Bera Berak Micaela Rodrigues eskuin hegalekoa fitxatu du, 2025-26 denboraldiaren amaierara arte, Donostiako klubak asteazkenean iragarri duenez. Rodrigues Sao Pauloko Pinheiros taldetik iritsi da Bera Berara, eta internazionala da Brasilgo selekzioarekin; hain zuzen ere, ostiralean helduko da Donostiara, hilaren 3an, eta asteartean hasiko da entrenatzen.
Web orrian zabaldutako informazioan, Bera Berak zehaztu du Rodrigues "jaurtitzaile ona" dela: "Jokoa ondo irakurtzen du, eta defentsan biaren postuan aritzen da. Hortaz, gure lehen lerroak ezkertiarra izango du, urtearen lehen zatian partida asko izango dituen testuinguru batean".
Rodriguesek urtarrilaren 8an egin lezake debuta Bera Berarekin, Gascan, Granollers aurkari; partida hori 19:00etan hasiko da.
