Beste kirolak
EHF Europako Liga
Bidasoa Irunek multzoko lidertza izango du jokoan Ystadsen kontra; partida, zuzenean, eitb.eus-en eta ETB4n
EITB Media
Irungo taldea eta Suediakoa ariko dira nor baino nor gehiago Artalekun, gaur, 20:45ean. Garaipena lortuz gero, Bidasoa lau punturekin pasatuko litzateke final-zortzirenetara.
-
Bidasoa Irun. Argazkia: EITB Media
Bidasoa Irunek Ystads IF Suediako ligako liderraren aurka jokatuko du astearte honetan, azaroaren 26an, EHF Europako Ligako partida. Final-zortzirenetako fasera multzoko lider gisa pasatzea izango dute jokoan bi taldeek. Horrez gain, Bidasoak garaipena lortuz gero, lau punturekin pasako litzateke hurrengo fasera. Norgehiagoka zuzenean emango dute eitb.eus-ek eta ETB1ek, 20:45ean.
Final-zortzirenetako fasean, multzo berean egongo dira Benfica, Limoges, Bidasoa eta Ystads IF taldeak; beraz, lau punturekin iristea oso garrantzitsua da, txapelketan aurrera egiteko aukera gehiago izateko.
Joaneko partidan Irungo taldeak 23-29ko emaitzarekin irabazi zion Suediakoari.
