Beste kirolak
ESKUBALOIA - EHF EUROPA LIGA
Benfica–Bera Bera kanporaketako joaneko partida, zuzenean, igandean, ETB4n eta eitb.eus atarian
EITB MEDIA
Super Amara Bera Berak Benficaren aurka jokatuko du igande honetan (16:00), Europa Ligan sartzeko aurre-kanporaketako joaneko partida. Norgehiagoka zuzenean eskainiko dugu ETB4n eta eitb.eus atarian.
-
Benfica-Bera Bera, zuzenean, ETB4n y eitb.eus-en.
Super Amara Bera Berak Benfica izango du aurkari EHF Europa Ligako aurre-kanporaketan, eta joaneko partida igande honetan jokatuko du, Lisboan. Norgehiagoka zuzenean ikusi ahalko da ETB4n eta eitb.eus atarian, 16:00etatik aurrera.
Imanol Alvarezek jokalari guztiak izango ditu prest, baina aldaketaren bat edo beste egin beharko du Portugalgo taldea menderatzeko. Donostiako taldea ez dago sasoirik onenean, eta horren erakusgarri da Ligako azken bi jardunaldietan izandako emaitzak: berdinketa Malagaren aurka eta porrota Elxeren etxean.
Itzuliko partida datorren asteburuan jokatuko dute, Gascan. Benficaren kontrako kanporaketa gaindituz gero, ondoren Poloniako FunFloor Lublin taldea hartu beharko du mendean, Europa Ligako fase erregularra lehiatu ahal izateko.
