Honelakoa izan da euskal kirolarien jardunaldia Parisko 2024ko Paralinpiar Jokoetan irailaren 3an, asteartea

MAHAI-TENISA:

Ander Cepasek final-laurdenetarako txartela lortu du, mahai-teniseko 9 klaseko final-zortzirenetan Koyo Iwabuchi 3-1 menderatuta. Basque Teamekoak lehen seta irabazi du (11-9), bigarrenean japoniarra nagusitu da (9-11), baina hirugarrenean eta laugarrenean Cepas gailendu da (11-7 eta 11-9). Horrenbestez, Ander Cepasek diploma ziurtatu du.

Ander Cepas. Argazkia: EITB Media

GURPIL AULKIKO SASKIBALOIA:

Asier Garcia Basque Teameko gurpil-aulkiko saskibaloiko jokalaria dominen lehiatik at geratu da, Espainiako selekzioarekin Alemaniaren aurka 49-57 galduta, final-laurdenetako neurketan.

Asier Garcia. Argazkia: EITB Media