Beste kirolak
Golfa
Jon Rahmek irabazi du LIV UK txapelketa
AGENTZIAK | EITB MEDIA
Bizkaitarrak 200 kolpe behar izan ditu guztira (13 parretik behera), 63, 70 eta 67 kolpeko hiru txandatan, txapelketa irabazteko. Abuztuaren 1etik 4ra, berriz, Parisko 2024ko Olinpiar Jokoetan arituko da.
-
Jon Rahm Britainia Handiko Irekian. Artxiboko argazkia: EFE.
Abuztuaren 1etik 4ra Parisko 2024ko Olinpiar Jokoetan aritu aurretik, Jon Rahm bizkaitarrak bere lehen garaipena lortu du igande honetan LIV Golf zirkuituko hamaikagarren txapelketan, LIV UK txapelketa irabazita, Rocesterren (Erresuma Batua).
Rahmek 200 kolpe behar izan ditu guztira (13 parretik behera), 63, 70 eta 67 kolpeko hiru txandatan, txapelketa irabazteko. Joaguin Niemann txiletarrak, Cameron Smith australiarrak eta Tyrrell Hatton ingelesak baino kolpe bat gutxiago behar izan du ibilbidea osatzeko.
Lehen liderra izan zen ostiralean 63 kolpeko txartelarekin. Larunbatean, 70ekin, Andy Ogletree estatubatuarrari laga zion agintea. Igande honetan bere jokorik onena berreskuratu du LIV zirkuituko bere lehen garaipena eskuratzeko 67ko txartelarekin, bost birdierekin eta 17. zuloan bere garaipena arriskuan jarri duen bogey batekin.
