Beste kirolak
Tenisa
Alcaraz da 2024ko Wimbledongo irabazlea, Djokovicen aurkako finalean erakustaldia emanda
EITB Media
Carlos Alcarazek 6-2, 6-2 eta 7-6ko emaitzarekin menderatu du Novak Djokovic Wimbledongo finalean. Horrela, bada, espainiarrak bigarrenez irabazi du Erresuma Batuko Grand Slama.
-
Carlos Alcaraz, Wimbledoneko txapeldunaren garaikurrarekin. Argazkia: EFE
Carlos Alcaraz da 2024ko Wimbledongo txapelduna. Espainiarrak Novak Djokovic menderatu du finalean, hiru setetan, 6-2, 6-2 eta 7-6ko emaitzarekin. Ondorioz, Alcarazek bigarrenez irabazi du Erresuma Batuko Grand Slama.
Lehen setean, jaun eta jabe izan da Alcaraz (6-2). Bigarrenean ere, espainiarrak ez dio aukerarik eman serbiarrari (6-2). Hirugarren seta, berriz, estuagoa izan da; Djokovicek estu hartu du espainiarra, baina tie-breakean Alcarazek lortu du garaipena (7-6), berdinketa hausteko lehian 7 eta 4 nagusituta.
