Beste kirolak
Skateboarding-a
Alain Kortabitartek Parisko Jokoetarako txartela lortu du
EITB Media
Peio Gonzalezek aukerekin jarraitzen du, baina aurkari zuzenek larunbat honetan egingo dutenaren menpe dago.
Albisteak (1)
Alain Kortabitarte Basque Teameko skaterrak bere lehen Olinpiar Jokoetarako txartela lortu du, park modalitatean. Egun hauetan Budapesten jokatzen ari den sailkapen proban lortu du txartela.
Gipuzkoarra finalerdietara pasa zen Txinako hitzorduan, 45.726 puntu lortuz. Lehen faseko 3.125 puntuekin batera, Jokoetarako sailkatzea lortu du, Budapesteko proban sailkatze txanda gainditu ez arren.
Hungarian, Kortabitarte erori egin da eta ez du bere lehen bi txandetako bat ere osatu. 21. postuan amaitu du eta ez da finalaurrekoetara iritsi (16 onenak sailkatzen dira), nahiz eta jardunaldia sailkapen olinpikoarekin amaitu.
Bestalde, Peio Gonzalez Sopelako skaterrak txartela lortzeko aukerak ditu oraindik, baina aurkarien emaitzen menpe dago.
