Iñigo Llopisek bere hirugarren domina lortu du Madeirako Europako Txapelketan

Iñigo Llopisek brontzezko domina bereganatu du Madeirako Igeriketako Europako Txapelketan, 34 puntuko estiloetako 4x100 metroko proban. Basque Team taldeko kideak taldea osatu du Tasy Dmytriv, Jose Antonio Mari eta Sarai Gascon igerilariekin batera, eta hirugarren postuan amaitu dute.

Herbehereetako selekzioa nagusitu da, munduko errekor berria ezarrita (4:26.54); Italiak (4:30.59) amaitu du bigarren, eta Llopisen taldeak, hirugarren (4:32.42).

Brontzezko domina honekin Iñigo Llopisek hiru domina zintzilikatu ditu jada Europako Txapelketan: urrezko domina lortu zuen bizkar erako 100 metroko proban eta brontzezkoa, tximeleta estiloko 100 metrokoan.