Beste kirolak
Snowboarda
Alvaro Romerok urrea lortu du snowboard kroseko Junior Txapelketetan
EITB MEDIA
Movistar SBX Team taldeko kirolariak urrea irabazi du Passo San Pellegrinon, proba guztietan garaipena lortuz eta indar handia erakutsiz.
-
Alvaro Romero, bere taldearekin. Argazkia: FEDI
Alvaro Romerok urrea eskuratu du SBXko Junior Mailako Munduko Txapelketetan, Passo San Pellegrinon (Italia), benetako erakustaldia eman ostean.
Kai Hopper (KAN), Martin Kostov (BUL) eta Joaquin Rodriguezen (ARG) aurka lehiatu da lehen seriean eta hasieratik eroso sentitu da euskal kirolaria.
Final handian Romerok Achille Leleu, Aidan Chollet eta James Savard-Fergusonen aurka jokatu behar izan du. Azken bihurgunera arte itxaron behar izan du lehen postuan kokatzeko eta horrela Junior mailako Munduko Txapelketetako bere lehen urrea ziurtatzeko.
Proba amaitzean, kirolari gazteak nabarmendu du "ilusioz gainezka eta pozik" dagoela: "Banekien oso egun gogorra izango zela, Junior mailako Mundiala izan arren maila handia dagoelako. Munduko Kopan Veysonnazen podiuma lortu dudan denboraldiari amaiera bikaina ematen dio urre honek, eta Espainiako txapeldun ere izan naiz".
