Beste kirolak
AUSTRALIAKO OPENA
Novak Djokovicek Australiako Irekian parte hartu ahal izango du
AGENTZIAK | EITB MEDIA
Serbiarrak Australian sartzeko debekua jaso zuen 3 urterako, baina badirudi zigor hori bertan behera geratuko dela herrialde ozeanikoak txertoa jartzeko derrigortasuna kendu ostean.
-
Novak Djokovic ATPFinalsetan. Argazkia: EFE
Novak Djokovic tenislari serbiarrak bisa jasoko du urtarrilean Australiako Irekian parte hartzeko, denboraldiko lehen 'Grand Slam'a. Gobernuak hiru urtez herrialdean sartzeko debekua kentzea erabaki ostean, 'The Guardian Australia' egunkariak astearte honetan jakitera eman duenez.
Balkaniarrak bederatzi aldiz irabazi du Melbournen ospatutako 'handia', eta urte honen hasieran deportatu zuten, koronabirusaren aurkako txertoa jarri gabe herrialdera iritsi eta gero.
Horren ostean, hiru urteko debekua ezarri zioten herrialdean sartzeko. Ordutik, Australiak herrialdean sartzeko txertoa hartu behar izanaren baldintza ezabatu du, eta Andrew Giles Immigrazio ministroak bisa bat emango dio Djokovici.
