Beste kirolak
Heroes Open
Otaegui, hirugarren St. Andrewsen
B.L. | EITB MEDIA
Donostiarrak parraz azpiko 19 kolperekin amaitu du txapelketa, azken bi jardunaldietan irabazlearekin berdintzeko zorian egon ostean. Sean Crocker izan da irabazlea parraz azpitik 22 kolpe jota.
-
Adrián Otaegui. Artxiboko irudia: EFE
Adrian Otaeguik hirugarren postuan amaitu du St Andrewseko Heroes Open txapelketan parraz azpitik 19 kolpe pilatuta. Donostiarrak gertu izan zuen txapelketa azken bi jardunaldietan 269 kolperekin, laugarren jardunaldian 68 kolpeko txartela sinatuz, irabazleak adina, Sean Crocker estatubatuarra (22 parraz azpitik).
Lehen hiru jardunaldietako bakoitzean, Otaegui Crockerrengandik kolpe bakarrera geratu da, eta hiruko abantaila horri esker lortu du estatubatuarrak txapelketa irabaztea, nahiz eta hirugarren sailkatuen txartel bera sinatu azken egunean. Bigarren sailkatuak, Eddie Pepperell ingelesak, 267 kolperekin amaitu du txapelketa (-21), baina onena izan da itxierako jardunaldian 65 kolperekin. David Law eskoziarrak Otaeguirekin partekatu du hirugarren postua.
